Әҙәбиәт һәм театр сәнғәте донъяһында билдәлелек яулаған драматург Флорид Бүләковтың тыуыуына быйыл 70 йыл тулды. Башҡортостандың халыҡ яҙыусыһы тигән дәрәжәле исемгә, уға тиклем Салауат Юлаев исемендәге, шулай уҡ Рәсәйҙең әҙәбиәт һәм сәнғәт өлкәһендәге премияларына лайыҡ булыуы - шәхестең һәләтенә, ижади уңыштарына мәртәбә. Талапсан, юғары зауыҡлы тамашасының һәм ерҙәштәренең һөйөүен тойоп йәшәүе уны бәхетле иткән.
