Бына инде тиҫтә йылға яҡын республикабыҙ йәмәғәтслеге Хөсәйенбәк хажиҙы хөрмәтләп иҫкә алып, Шишмә районында оло йыйын уҙғара. Башҡорт хандары, Тамерландың ғәскәр башлыҡтары һәм Хөсәйенбәк хәҙрәттең һуңғы йорто булған Аҡ зыяратты башҡорттар борон-борондан изге урын һанай. Быйыл Шишмә ҡасабаһында уҙған йыйын Хөсәйенбәктең Көньяҡ Уралға килеүенә 700 йыл тулыуға арналды.
