Ҡалаға 1756 йылда Благовещен заводы эргәһендә нигеҙ һалына. 1865 йылда бында 500-ҙән ашыу йортта 3679 кеше йәшәгәнлеге билдәле. Ағас эше, һөнәрселек кәсебе (экипаж, елгәргестәр яһау), умартасылыҡ менән шөғөлләнгәндәр. Баҡыр иретеү, механика, кирбес, май һығыу, 3 туң май, 2 ҡап яһау заводы эшләгән. Сиркәү, сиркәү училищеһы, Благовещен уҡытыусылар семинарияһы, һыу тирмәне, 10 сауҙа кибете булған. Йәрминкәләр үткәрелгән. 1930 йылдан алып ҡала тибындағы Благовещен ҡасабаһы, 1941 йылда ул ҡала статусын ала.
