Башҡортостандың халыҡ шағиры Назар Нәжми ,,Шиғыр юлы – ҡоро аҡыл түгел, шиғыр юлы – йөрәк арҡылы” тип яҙған... "Йөрәктән сыҡҡан йөрәккә етә", тиҙәр халҡыбыҙҙа. Тап йөрәк түренән сыҡҡан шиғри һүҙгә ғашиҡ замандаштарыбыҙ бик күп. Улар яңы баҫылып сыҡҡан әҫәрҙәрҙе уҡый, үҙҙәренсә уйлана, хисләнә, яңы шиғри әҫәрҙәрҙе көтөп ала. Яратҡан шиғырҙарын ятлап ала. Үҙҙәре лә ҡәләм тибрәтә, уй-кисерештәрен аҡ ҡағыҙға һала. Шундай йәш замандаштарыбыҙҙың береһе Артур Ғабдуллин менән әңгәмәләшәбеҙ.
