Ата-бабаларҙың йорт-еребеҙ азатлығы өсөн баш күтәргән оло яуҙарының береһе - 1773-1775 йылғы Крәҫтиәндәр һуғышы баҫтырылыуға быйыл 240 йыл була. Ике быуат ярымға яҡын арауыҡ тарих өсөн күп тә түгел. Шул яуҙа ҡатнашҡан, уның ауырлығын, ҡайғыһын кисергән олатайҙарыбыҙ тураһында эҙләнеүҙәр һөҙөмтәле. Иҫән ҡалған яу етәкселәренең, яугирҙәренең исем-аты асыла башланы. Мәсетле районы биләмәһендә тыуып үҫеп, яуҙа иҫән ҡалған етәкселәрҙең береһе Илсеғол батыр Этҡолов хаҡында ла билдәле.
