Бөйөк башҡорт дин әһеле, мәғрифәтсе шәйех Зәйнулла ишан Рәсүлевтың тыуыуына 180 йыл тулыу айҡанлы Өфөлә “Рәсәйҙең мосолман донъяһы: традициялар һәм яңылыҡтар” халыҡ-ара симпозиумы ойошторолдо. Өс көн барған ҙур сара баш ҡалала, Учалы районында һәм Троицк ҡалаһында үтте. Конференцияла Рәсәй ғалимдарынан башҡа Әзербайжан, Ҡаҙағстан, Үзбәкстан, Украинаның абруйлы фән эшмәкәрҙәре лә ҡатнашты. Пленар өлөш һәм секция ултырыштары Конгресс-холда уҙҙы.
